स्वास्थ्य

स्वदेश फर्किए प्रधानमन्त्री

काठमाडौं । सिंगापुरमा स्वास्थ्योपचारपछि प्रधानमन्त्री केपी शर्मा ओली स्वदेश फर्किएका छन ।

शुक्रबार नै स्वदेश फर्कने कार्यक्रम तय गरी अघिल्लो शनिबार सिंगापुर गएका प्रधानमन्त्री ९ दिनपछि स्वदेश फर्किएका हुन् ।

प्रधानमन्त्रीले आफ्नो भ्रमणलाई अनौपचारिक भएको बताए । उनले विमानस्थलमा संचारकर्मीलाई कुनै प्रतिक्रिया दिएनन् ।

आफू ठिक भएको फर्किएको भन्दै प्रधानमन्त्रीले केही दिनपछि सबै जानकारी थाहा हुने समेत उल्लेख गरे  ।

त्रिभुवन विमानस्थलमा प्रधानमन्त्रीको स्वागतका लागि उपप्रधानमन्त्री तथा रक्षामन्त्री ईश्वर पोखरेल, गृहमन्त्री रामबहादुर थापा, सभामुख कृष्णबहादुर महरा, राष्ट्रियसभा अध्यक्ष गणेशप्रसाद तिमिल्सिना, नेकपाका बामदेव गौतमलगायत पुगेका थिए ।

प्रधानमन्त्रीलाई विमानस्थलमा नेपाली सेनाले पनि सलामी दिएन् । सामान्यतया राजकीय भ्रमणका बेला मात्र सेनाले सलामी दिने प्रचलन रहेको छ । प्रधानमन्त्री मृगौलाको रोगबाट ग्रसित छन् ।