काठमाडौं । यूरोपमा आकर्षक रोजगारीमा पठाउने भन्द्यै व्यापक प्रचार प्रसार गरिरहेको एलाएन्स इन्टरनेसनल एजुकेसन कन्सल्टेन्सीमा वैदेशिक रोजगार विभागले छापा मारेको छ।

उक्त कन्सल्टेन्सीले विभिन्न सामाजिक संजालमा यूरोपका लागि आकर्षक जागिरका लागि भन्दै विज्ञापन गरेको थियो ।

उक्त झुठो विज्ञापनमार्फत यूवालाई ठगि गर्ने मनसाय राखेको भन्दै विभागको टोलीले छापा मारेको हो ।

कन्सल्टेन्सीको सिनामंगलस्थित कार्यालयमा छापा मारी कागजातहरु नियन्त्रणमा ल्याइएको छ ।

कन्सल्टेन्सीले विज्ञापन गरी युवालाई रोजगारीमा यूरोप पठाउने भन्दै अन्तर्वातासमेत लिइसकेको उजुरी विभागमा परेको थियो ।

उक्त कन्सल्टेन्सीबाट साइप्रसका लागि रोजगारीको प्रक्रिया चलिरहेको थियो । त्यसबाहेक अन्य मुलुकमा पनि गैरकानूनि रुपमा कामदार पठाएको पाइएको विभागको भनाई रहेको छ ।

पछिल्लो समय मोटो रकम लिएर यूवालाई युरोप लैजाने र अवैध छाड्ने गर्दा धेरै नेपाली युवा अलपत्र पर्ने गरेका छन् । कतिपय यूवा यूरोपको एक मुलुकमा पुगेर अन्य देशमा गैरकानूनी रुपमा भाग्ने समेत गर्छन् ।