काठमाडौं । नेपालबाट अब ४ वटा वायुसेवा कम्पनीले अन्तर्राष्ट्रिय सेड्यूल उडान गर्ने भएका छन् ।

सरकारले श्री एयरलाइन्सलाई बुधबार अन्तर्राष्ट्रिय सेड्यूल उडानको अनुमति दिएएपछि यस्ता कम्पनीको संख्या ४ पुगेको हो ।

यसअघि नेपाल एयरलाइन्स, हिमालय एयरलाइन्स र बुद्ध एयरसँग मात्र यस्तो लाइसेन्स थियो । श्रीले भने चार्टर्ड उडान मात्र गर्न सक्ने गरी अनुमति पाएको छ ।

श्री एयरलाइन्सले भारतको नयाँ दिल्ली, कलकत्ता, अहमदावाद र बैंलौरमा उडान गर्न सक्ने गरी अनुमति पाएको मन्त्रालयले जानकारी दिएको छ ।

यसबाहेक बंगलादेशको ढाकामा समेत श्रीले उडान गर्न सक्नेछ । नेपाल नागरिक उड्डयन प्राधिकरणबाट उडान अनुमति प्राप्त भएसँगै निकट भविश्यमा उडान थाल्ने योजना रहको श्री एयरलाइन्सको भनाई रहेको छ ।

श्री एयरलाइन्सले यसैसाता एक जहाज थप्दैछ । जहाज शनिवार नेपाल आइपुग्ने बताइएको छ अर्को एक जहाज आगामी साता काठमाडौं आइपुग्दैछ ।

त्यसपछि श्रीसँग ५ वटा बम्बाडियर एयरक्राफ्ट रहेका छन् । छोटो दूरीका गन्तब्यमा श्रीले यी जहाजबाटै उडानको योजना बनाइरहेको छ ।