विश्व

भारत-पाकिस्तान बढ्दो तनाव, भारतीय कलाकार देखिने विज्ञापन प्रसारणमा रोक

इस्लामावाद  ।  पाकिस्तानले भारतीय कलाकारले अभिनय गरेको विज्ञापन प्रसारणमा रोक लगाएको छ ।

भारत र पाकिस्तानबीच बढ्दो तनावका बीच पाकिस्तानको अर्को कदम बाहिरिएको हो । भारतले जम्मु कश्मीरसम्बन्धी मुद्दामा चालेको कदमका कारण भारत र पाकिस्तानको सम्बन्ध बिग्रिएको हो ।

बिहीबार कश्मीरको विवादित क्षेत्रमा गोली हानाहान हुँदा ५ भारतीय र ३ पाकिस्तानी सैनिकको मृत्यु भएको पाकिस्तानले दावि गरेको छ । यस दाविको भारतले भने खण्डन गरेको छ ।

पाकिस्तानी इलेक्ट्रॉनिक मीडिया नियामक निकायले एक पत्र जारी गर्दै भारतीय कलाकारले अभिनय गरेको विज्ञापनमा प्रतिबंध लगाउने निर्णय गरेको हो ।

पाकिस्तानको डिटोल साबुन, सर्फ एक्सल पाउडर, पेंटिन सेम्फू, हेड एंड शोल्डर सेम्फू, लाइफबॉय सेम्फूजस्ता उत्पादनको विज्ञापन प्रसारण बन्द गरेको हो । जसमा भारतीय कलाकारले अभिनय गरेका छन् ।
एजेन्सी