23-Nov-2019 | ७ मंसिर २०७६, शनिबार

ला-लीगामा बार्सिलोनाको पहिलो खेल आज, दशकपछि मेसी अनुपस्थित

३१ श्रावण २०७६, शुक्रबार ०   बिचार / प्रतिक्रिया


स्पेन । बार्सिलोनाका लागि लियोनल मेसी कति महत्वपूर्ण खेलाडी हुन भन्ने तथ्य यसबाट पुष्टी हुन्छ कि उनी पछिल्लो १० वर्षयता हरेक सिजनको ला-लीगाको उद्घाटन खेलका महत्वपूर्ण सदस्य रहे ।

तर, सन् २०१९ २० सिजनको पहिलो खेल भने स्टार फरवार्ड लियोनल मेसीले गुमाउँदैछन् । खुट्टाको चोटका कारण उनी पहिलो खेलमा अनुपस्थित हुने भएका हुन् ।

संचारमाध्यमहरुका अनुसार लालिगाको पहिलो खेलमा १० वर्षपछि मेसीलाई मैदानमा देखिने छैन । बार्सिलोनाले नेपाली समय अनुसार शनिबार बिहान १२ः४५ मा बिल्वाओविरुद्ध खेल्दैछ ।

साविक विजेता बार्सिलोना पहिलो खेलमा स्पष्ट जीत चाहन्छ र सिजनको सुखद शुरुवात गर्न चाहन्छ । तर, कप्तानको अनुपस्थिति उसका लागि कति महंगो पर्नेछ त्यो भने रोचक विषय हो ।

बार्सिलोनाका प्रशिक्षक अर्नेस्टो भाल्भर्डे पहिलो खेलमा टोलीले मेसीका लागि कुनै जोमिख उठाउन नचाहेको स्पष्ट पारेका छन् ।

एथलेटीको म्याड्रिडबाट यसै सिजन बार्सिलोना गएका एन्टोनी ग्रिजम्यान बार्सिलोनाका लागि महत्वपूर्ण सावित हुन सक्नेछन् ।

किनकी उनी मेसीको स्थानमा खेल्ने पक्का छ । उनको साथमा लुइज सुवारेज, उसमान डेम्बेले र फिलिप कान्टिन्होमध्ये कुनै दुई खेलाडीले बार्सिलोनाको अग्रपंक्ती सम्हाल्ने मौका पाउने छन् । खेल विल्बाओको मैदानमा हुनेछ ।

एजेन्सी

Loading...

फेसबुकबाट तपाईको प्रतिक्रिया

सम्बन्धित समाचार