यूपी । भारतको उत्तर प्रदेशमा एक वृद्धले दोस्रो विहे गर्न नपाएको झोँकमा आत्महत्या गरेका छन् ।

समाचार अनुसार यूपीको बरेली जिल्लाका ७५ वर्षिय वृद्धले केही दिनदेखि दोस्रो विहे गर्न परिवारलाई दवाव दिइरहेका थिए ।

तर, परिवारले उनको प्रस्ताव स्वीकार गरेनन् । त्यसैको झोँकमा वृद्धले आत्महत्या गरेका छन् ।

उनले आफ्नो कोठाको पंख्खामा झुण्डिएर आत्महत्या गरेका हुन् । उनकी पहिलो पत्नीको निधन भइसकेको थियो । उनी ८ छोराछोरीका बाउ थिए ।

उनका सबै छोराछोरीबाट नातिनातिना समेत जन्मिसकेका छन् । परिवारले लोकलाजको बाहना बनाएर बिहे गर्न नदिएको र त्यही रिसमा आत्महत्याको बाटो रोजेको बताइएको छ ।

उनले शुक्रबार आत्महत्या गरेका हुन् । समाचार स्रोतका अनुसार बिहीबार पनि उनको परिवरासँग झगडा भएको थियो ।

एजेन्सी