म्यान्चेस्टर । इंग्ल्यान्ड फूटबल र क्रिकेटको राजा मानिन्छ । यी दुई खेललाई विश्वव्यापी बनाउने यस देशले ठूलो भूमिका खेलेको छ ।

खासगरी राज्य बिस्तारका क्रममा इंग्ल्याण्डले जहा जहा राज्य गर्यो, त्यहा त्यहा यी खेलको पनि समानान्तर रुपमा बिस्तार गरेको पाइन्छ ।

फूटबलको ठूलो क्रेज रहेको मुलुकमा पनि उचित व्यवस्थापन भएन भने क्लवहरु संकटमा स्वाभाविक हो ।

१३४ वर्ष पुरानो ऐतिहासिक पृष्ठभूमि बोकेको फुटबल क्लब बरी शनिबारबाट बन्द भएको घोषणा गरिनु त्यसको एक उदाहरण हो ।

यस क्लवले अब यस देशमा फुटबल लिगमा भाग नलिने भएको छ । १८८५ मा स्थापना भएको यो क्लव पछिल्ला केही वर्षयता निरन्तर आर्थिक संकटमा थियो ।

क्लबका पछिल्ला ६ वटा खेलमा समेत भाग लिन नसकेर रद्द गर्न परेको थियो ।

नयाँ खेलाडी अनुवन्धन गर्न असफल यस टीमले पुराना खेलाडाीलाई पनि सम्झौता अनुसार तलव दिन नसक्दा समस्यामा जुधिरहेको थियो ।

क्लवलाई किन्न केही धनाढ्यले चासो देखाएपनि व्यवस्थापनले बरु बिक्रि गर्न उपयुक्त ठान्यो । क्लव बन्द भएको घोषणा गरिरहँदा भने क्लवका समर्थकले नाराबाजी गरेका थिए ।

म्यानचेस्टरस्थित गिग लेन बरी फुटबल क्लबको घरेलु मैदान रहेको छ ।

एजेन्सी