काठमाडौं । प्रधानमन्त्री केपी शर्मा ओली उपचारका सिलसिलामा सिंगापुर रहेको मौकामै नेकपा अध्यक्ष प्रचण्डले सत्तारुढ नेपाल कम्युनिस्ट पार्टी (नेकपा)को सचिवालय बैठक आह्वान गरेका छन् ।
बैठक प्रचण्डको एकल नेतृत्वमा बस्ने भएको छ । यसअघि दुबै अध्यक्षले बैठकको अध्यक्षता गर्दै आएका थिए ।
नेकपाको शक्तिशाली अध्यक्षका रुपमा प्रचण्डले पहिलो पटक एकल नेतृत्वमा बैठक आह्वान गरेका हुन् ।
अर्का अध्यक्ष तथा प्रधानमन्त्री सिंगापुर उड्नु अगाडी बसेको बैठकले सचिवालय बैठक बोलाउने अधिकार प्रचण्डलाई दिएको थियो ।
सोमबार १ बजे बोलाइएको बैठकमा महानगरका पार्टी अध्यक्ष, सचिव तथा प्रवास कमिटीको परिपूर्तिका सम्बन्धमा छलफल हुने नेकपा स्रोतले जानकारी दिएको छ ।
