विश्व

मेसी, सुवारेज र डेम्बेले बीनै शक्तिशाली बार्सिलोना, विपक्षीको पोष्टमा ५ गोल

स्पेन । स्पेनिस लालिगा फुटबल प्रतियोगितामा बार्सिलोनाले प्रभावशाली खेल प्रदर्शन गरेको छ । लीगमा पहिलो खेल हारेको बार्सिलोनाले दोस्रो खेलमा भने रियल बेट्टिसविरुद्ध ५ -२ गोलको जीत निकालेको हो ।

यो खेलमा प्रभावशाली तीन खेलाडी मेसी, सुवारेज र डेम्बेले मैदानमा उत्रिएका थिएनन् ।

मूख्य खेडालीले सिजनको शुरुमै चोट बोकेपछि बार्सिलोना दवावमा थियो ।

तर, यसै सिजन एथलेटिको म्याड्रिडबाट बार्सिलोना भित्रिएका एन्टोनी ग्रिजम्यान चम्किएपछि बार्सिलोनाले प्रभावशाली जीत निकाल्न सफल भयो ।

ग्रिजम्यानले २ गोल गरे भने एक गोलका लागि सटक पास निकाले । कार्लेस पेरेज, जोर्डी अल्बा र अर्टुरो भिडालको नाममा १–१ गोल रह्यो ।

रियल बेट्टिसका नाबिल फेकिर र लोरेन्जो जिसस मोरन ग्रासियाले गोल गरे ।

लालिगामा अर्को प्रभावशाली टोली रियल म्याड्रिड बराबरीमा रोकिएको छ भने एथलेटिको म्याड्रिड जीत हात पारेको छ ।

एजेन्सी