14-Dec-2019 | २८ मंसिर २०७६, शनिबार

जी-७ सम्मेलनका दौरान मोदी र ट्रम्प भेट्दै

९ भाद्र २०७६, सोमबार ०   बिचार / प्रतिक्रिया


फ्रान्स । जी-७ सम्मेलनका दौरान फ्रान्स पुगेका विश्वका दुई शक्तिशाली नेता नरेन्द्र मोदी र डोनाल्ड ट्रम्पबीच सोमबार भेटवार्ता हुने भएको छ ।

संचारमाध्यमहरुका अनुसार यस भेटवार्तामा मूख्यगरी कश्मीर मामलालाई लिएर कुराकानी हुने अनुमान गरिएको छ ।

भारतीय प्रधानमन्त्री मोदी र अमेरिकी राष्ट्रपति ट्रम्पबीच जम्मु कश्मीर मुद्दापछि पहिलोपटक औपचारिक भेट हुन लागेको हो ।

भारत र पाकिस्तानबीच बढ्दो तनावका बीच अमेरिकी राष्ट्रपति ट्रम्पसँगको भेटलाई भारतमा पनि निकै महत्वका साथ हेरिएको छ ।

यसबाट भारतले अमेरिकाको समर्थन प्राप्त गर्ने र पाकिस्तानलाई एक्लाउन सकिने भारतको विश्वास रहेको छ ।

समाचार स्रोतका अनुसार राष्ट्रपति ट्रम्पले यस घटनापछि मोदी र पाकिस्तानी प्रधानमन्त्री इमरान खानसँग छुट्टाछुट्टै टेलिफोन वार्ता गरिसकेका छन् ।

एजेन्सी

Loading...

फेसबुकबाट तपाईको प्रतिक्रिया

सम्बन्धित समाचार