विज्ञान प्रविधि

पशुपतिनाथको सन्ध्या आरती लाइभ गरिदै

काठमाडौं । सरकारले अब पशुपतिनाथ मन्दिर क्षेत्रमा हुने सन्ध्याआरती प्रत्यक्ष प्रसारण गर्ने भएको छ ।

यसका लागि पशुपति क्षेत्र विकास कोषले तयारी थालिसकेको संस्कृति, पर्यटन तथा नागरिक उड्डयन मन्त्री योगेश भट्टराईले जानकारी दिए ।

उनका अनुसार यूट्यूवबाट पशुपति क्षेत्रको सन्ध्या आरती प्रत्यक्ष प्रसारण हुनेछ । यहाँ संयौं भक्तजनको उपस्थितिम साँझ ६ बजेपछि ८ बजेसम्म सन्ध्याआरती हुने गर्छ ।

भारतका विभिन्न गंगा तटमा हुने आरतीबाट प्रभावित भएर नेपालमा पनि आराती शुरु गरिएको हो ।

जुन पर्यटक र आम नागरिकबीच निकै लोकप्रिय बन्दै गएको छ । सरकारले पशुपति क्षेत्रस्थित विद्यूतीय शवदाह गृहमा ६ वटा मेसिन थप गर्ने योजना समेत बनाएको छ ।

यो काम यसै आर्थिक वर्ष भित्र सम्पन्न हुने भएको छ । पशुपति क्षेत्रमा जाने सबै भक्तजनले नियमित लिन सक्ने प्रसाद निशुल्क उपलब्ध गराउने व्यवस्थाको तयारी समेत गरिएको छ ।

पशुपतिनाथ मन्दिरको ४ वटै ढोकामा वृद्धवृद्धाले सजिलै दर्शन गर्न सक्ने गरी संरचना निर्माणको जिम्मा पनि पशुपति क्षेत्र विकास कोषलाई दिइएको छ ।

पशुपतिनाथ मन्दिरलाई संसारकै सबैभन्दा आकर्षक क्षेत्रका रुपमा स्थापित गर्ने उद्देश्यसहित योजनाहरु अगाडी बढाइएको मन्त्री भट्टराईले बताए ।

यसैबीच, तिनकुनेदेखि गौशालासम्मको सडकलाई एपरपोर्ट क्षेत्रका रुपमा घोषणा गरी व्यवस्थित बनाउने योजना मन्त्री सार्वजनिक गरेका छन् । यहाँ धेरै सेकुवा पसलहरु छन् ।

यसले शहरी सौन्दर्य बिगारीरहेको मन्त्री भट्टराईको भनाई रहेको छ । सडक विभागसँगको सहकार्यमा यसलाई व्यवस्थित गरिने भएको छ ।