समाचार

नेपाल र सेन्ट लुसियाबीच कूटनीतिक सम्बन्ध जोडियो

काठमाडौं । नेपाल र क्यारेवियन मुलुक सेन्ट लुसियाबीच कूटनीतिक सम्बन्ध जोडिएको छ । यो देश भूगोलका हिसावले विश्वकै सानोमध्ये एक हो ।

नेपाल र सेन्ट लुसियाबीच द्विपक्षीय कुटनीतिक सम्बन्ध स्थापित भएसँगै अब नेपालको कुटनीतिक सम्बन्ध १६७ देशसँग जोडिनु पुगेको छ ।

संयुक्त राष्ट्रसंघका लागि नेपालका स्थायी प्रतिनिधि अमृतबहादुर राई र सेन्ट लुसियाका समकक्षी कोसमोस रिचार्डसनले बुधबार एक संयुक्त दस्तावेजमा हस्ताक्षर गरे ।

जसले गर्दा सेन्ट लुसिया नेपालसँग कुटनीतिक सम्बन्ध राख्ने कान्छो देश बन्न सफल भएको छ ।

करीव १ लाख ७० हजार मात्र जनसंख्या रहेको यो देशको क्षेत्रफल पनि ६१७ वर्ग किलोमिटर मात्र रहेको छ ।

विश्वका सर्वाधिक साना मुलुकको सूचिमा १८ औं स्थानमा यो देश अटाएको छ । मूख्य आम्दानी पर्यटन रहेको यो देश ज्यालामुखी विस्फोटबाट उत्पन्न भएको टापुमा रहेको छ ।

यहाँ लक्जरी रिर्सोट, आरामदायी र आकर्षक समुन्द्री किनारा रहेका कारण पनि विश्वका धेरै मानिस यो मुलुकको भ्रमण गर्न लालायीत हुन्छन् ।