12-Dec-2019 | २६ मंसिर २०७६, बिहीबार

नेपालगन्जबाट पहाडतर्फ पठाइएका डेढ दर्जन गाईगोरु मृत, भीरबाट खसालेको आशंका

१३ भाद्र २०७६, शुक्रबार ०   बिचार / प्रतिक्रिया


नेपालगन्ज । नेपालगन्ज उपमहानगरपालिकाले पहाडी भेगका जिल्लामा पाल्ने उद्देश्यले पठाएका गाइ वस्तु सुर्खेतमा मृत अवस्थामा फेला परेका छन् ।

बिहीबार राती उपमहानगरपालिकले दैलेखतर्फ पठाएका गाई गोरु सुर्खेतमै मृत अवस्थामा भेटिएपछि गाइवस्तुको हत्याको आशंका गरिएको छ ।

सुर्खेतको वीरेन्द्रनगरदेखि १४ किलोमिटर उत्तरतर्फ दैलेख सदरमुकाम जाने सडक छेउको भीरबाट गाइवस्तु ट्रक चालकले भीरमा खसालिदिएको आशंका प्रशासनले गरेको छ । प्र

हरीले तीन वटा ट्रकसमेत नियन्त्रणमा लिइसकेको बताएको छ । कटकुवा जंगलको सडकमा पशु चौपाया अडिन नसक्ने भीरबाट ट्रक चालकहरुले भीरमा धकेलेर पशुको हत्या गरेको आंशका प्रहरीको छ ।

शुक्रबार १२ गाई र ४ गोरु मरेको अवस्थामा फैला परेको र २ सय भन्दा बढी गाई गोरु भीरमा अड्किएको प्रहरीले उल्लेख गरेको छ ।

अड्किएका पशुको उद्दारको काम भइरहेको सुर्खेत नगरपालिकाले जानकारी दिएको छ । प्रहरीका अनुसार नेपालगन्जबाट ८ वटा ट्रकले पशु बोकेर दैलेखतर्फ लागेका थिए ।

नेपालगञ्जका सडकमा छाडा छोडिएका गाईगोरुलाई स्थानीय काञ्जी हाउसमा राखिएको थियो।

दैलेखको श्रीस्थानका कृषकले गाई पाल्ने बताएपछि नगरपालिकाले प्रक्रिया पुर्‍याएर दुई सय ९१ गाईगोरु आठवटा ट्रकमा हालेर दैलेख पठाएको बताएको छ ।

एकसाथ ठूलो संख्यामा गाईगोरुको विभत्स हत्या हुने गरी भीरबाट खसालेको घटनापछि पशुअधिकारकर्मीहरुले भने तिब्र विरोध जनाइरहेका छन् ।

यसैबीच, नेपालगञ्ज उपमहानगरपालिकाले घटनाबारे सत्यतथ्य जाँचबुझ हुने प्रतिवद्धता व्यक्त गरेको छ ।

नेपालमा जानाजान गाई वा गोरुलाई चोट पुर्याउने या मार्नेलाई कडा कानूनी कारवाहीको प्रावधान रहेको छ ।

Loading...

फेसबुकबाट तपाईको प्रतिक्रिया

सम्बन्धित समाचार