समाचार

दशैंका लागि कहिले खुल्छ अग्रिम बुकिङ ?

काठमाडौं । नजिकिएको दशैंका लागि अग्रिम बुकिङ खुलाउन सरकारले व्यवसायीसँग छलफल डाकेको छ । २५ भदौबाट अग्रिम बुकिङ खुलाउने प्रस्तावसहित सरकारले व्यवसायीसँ छलफल गर्न लागेको हो ।

यातायात व्यवस्था विभागले बुधबार व्यवसायीसँग छलफल डाकेको हो । उनीहरु सहमत भएमा २५ भदौबाट अग्रिम बुकिङ खुल्ने विभागले जनाएको छ ।

अग्रिम बुकिङ खोल्नुअघि व्यवसायी भने भाडा समायोजनको मागमा छन् । उनीहरुले लामो समयसम्म भाडा समायोजना नहुँदा व्यवसाय संचालनमा समस्या हुने भन्दै सरकारसँग गुनासो गरिरहेका छन् ।

सरकारले गत ५ महिना अगाडी भाडादर समायोजन गरेपनि केही घण्टा भित्रै फिर्ता लिएको थियो ।

व्यवसायीले भाडा दरलाई अग्रिम बुकिङसँग बार्गेनिङ गर्दै आएका छन् ।

दशैंको बेला काठमाडौं उपत्यकासहित शहरी इलाकाबाट ठूलो संख्यामा यात्रुहरु ग्रामिण भेगतर्फ निस्कने गर्छन् ।