क्यारेवियन क्षेत्रमा आएको विनासकारी तूफानले जनजीवन प्रभावित भएको छ । डोरियन नाम गरेको उक्त तूफानका कारण आएको तिब्र गतिको हावाले जनजीवन प्रभावित बनाएको हो ।
वर्षा र हावाका कारण बहामास क्षेत्रमा हजारौं घरमा क्षति पुगेको संचारमाध्यमहरुले उल्लेख गरेका छन् । क्षति हुने आंशकामा सामुन्द्रीक किनाराबाट हजारौं मानिसलाई सुरक्षित स्थान जान सूचित गरिएको थियो ।
क्यारेवियन टापूमा आएको यस तूफानले कति क्षति गरायो भन्नेबारे भने यकिन तथ्यांक आइसकेको छैन । तूफान १८५ माइल प्रतिघण्टाको गतिमा आएको थियो ।
यो क्यारेवियन टापूमा आएको सबैभन्दा खतरनाक तूफान मानिएको छ । अमेरिकी नेशनल मौसम विभागका अनुसार समुन्द्रमा २३ फूट उचाईसम्मका छालहरु देखिएका थिए ।
