Epapers :

21-Sep-2019 | ४ आश्विन २०७६, शनिबार

मिस नेपाल यूनिर्भस नग्माले मिस नेपाल यूएसको कोरियोग्राफी र उद्घोषण गर्ने

१७ भाद्र २०७६, मंगलवार ०   बिचार / प्रतिक्रिया


नेब्रास्का

बिगत ७ बर्षदेखि नियमित सञ्चालन हुँदै आएको “मिस नेपाल युएस” यस वर्ष अक्टोबर १२ तारिखमा नेब्रास्काको ओमाहामा हुने भएको छ । नेब्रास्का नेप्लिज सोसाइटीको आयोजना र मिस नेपाल यूएसको संरक्षणमा हुन गईरहेको यस पटकको कार्यक्रममा मिस नेपाल युनिभर्स नग्मा श्रेष्ठले उद्घोषण र कोरियोग्राफी गर्ने भएसँगै थप चर्चा चुलिएको हो । 

सातौं संस्करणको यो प्रतियोगितामा अमेरिकामा रहेका १९ देखि २९ बर्ष उमेर समुहका नेपाली युवतीहरुले भाग लिन पाउनेछन् । आवेदन खुल्ला भईसकेकोले इच्छुकले मिसनेपालयूएसडटकम मार्फत आबेदन गर्न सकिने मिसनेपाल युएसका अध्यक्ष अमित पि शाहले बताएका छन् ।

यो सौन्दर्य प्रतियोगितालाई बिगतका बर्षहरु भन्दा अझै बढी प्रभावकारी र स्तरीय बनाउनका लागि सम्बद्ध सबैको प्रयास जारी रहेको र प्रबासका यस्ता प्रतियोगिताले नेपालको थप पहिचानमा टेवा पुग्ने आयोजकको ठहर छ । 

नग्माले सन् २०१७ मा लसभेगसमा सम्पन्न अन्तराष्ट्रिय स्तरको सौन्दर्य प्रतियोगिता मिस यूनिर्भसमा नेपालको प्रतिनिधित्व गरेकी थिइन् । साथै फिलिपिन्समा सम्पन्न सौन्दर्य प्रतियोगितामा समेत नेपालको प्रतिनिधित्व गरेकी र त्यहाँ उनी उत्कृष्ट ८ मा पुगेकी थिइन् । यस्तै उनी २०१६ मा चिनमा भएको प्रतिस्पर्धामा थर्ड रनर वल्ड मिस यूनिर्भसको उपाधि, वेष्ट टुरिजम भिडियो अवार्ड र इजिप्टमा भएको मिस इको यूनिभर्स २०१६ मा सहभागिता जनाएकी थिइन् । सन् २००९ देखि नग्मा इमेज च्यानलमा कार्यक्रम प्रस्तोताका रुपमा कार्यरत छिन् ।

उनको सहभागिताले आसन्न सातौं संस्करण अझै स्तरीय हुने अपेक्षा राखेको प्रतियोगिता संयोजक स्मृती गिरीले बताएका छन् ।

फेसबुकबाट तपाईको प्रतिक्रिया

सम्बन्धित समाचार