काठमाडौं । जल तथा मौसम विज्ञान विभागले देशभर वर्षा हुने सम्भावना रहेको भन्दै सचेत रहन आग्रह गरेको छ ।
खासगरी नदीहरुमा पानीको बहाव बढ्ने र पहाडमा पहिरोको सम्भावना हुने भन्दै मौषम पूर्वानुमान महाशाखाले सचेत रहन आग्रह गरेको हो ।
महाशाखाद्धारा जारी बुलेटिन अनुसार भारी र सामान्य वर्षाले समेत हवाई तथा सडक यातायात प्रभावित हुन सक्ने सम्भावना रहेको छ ।
मनसुनी न्यून चापीय रेखा नेपालको पश्चिमी भु-भागमा औसत स्थान भन्दा माथि र अन्य ठाउंमा औसत स्थान आसपास रहेका कारण देशैभर वर्षाको सम्भावना रहेको बताइएको छ ।
बंगालको खाडीको उत्तर- पश्चिमि भागमा एउटा न्युन चापिय प्रणाली बनेपछि त्यसले नेपालमा पनि वर्षा पार्न सहयोग पुर्याउँछ ।
हल्कादेखि मध्यम खालको वर्षा भने शुक्रबारसम्म नै जारी रहन सक्ने महाशाखाले जारी गरेको बुलेटिनमा उल्लेख छ ।
