विज्ञान प्रविधि

जब सीता एयरको एक इन्जिन आकासमै फेल भयो....

काठमाडौं । सीता एयरको जहाज एक इन्जिनको भरमा लुक्लादेखि काठमाडौं आइपुगेको छ । सीता एयरका वरिष्ठ महाप्रवन्धक घनश्याम आचार्यले ट्वीट गर्दै त्यसको जानकारी गराएका छन् ।

उनका अनुसार लुक्लाबाट उडेको केही समय भित्रै जहाजको एक इन्जिनले काम गर्न छाडेको थियो । तर चालक दलले जहाजलाई काठमाडौं नै ल्याउने निर्णय गरे ।

लुक्ला काठमाडौं उडान २५ मिनेट अवधिको हो । बुधबार बिहान लुक्लाबाट उडेको ९ एन–एजेएच जहाज पौने ९ बजे त्रिभुवन विमानस्थलमा सुरक्षित अवतरण गरेको हो ।

विमानस्थलका अनुसार उक्त जहाजले आपतकालिन अवतरणको माग गरेको थियो । किनकी एक इन्जिनका भरमा आएको उक्त जहाजसँग आकासमा थप होल्ड गर्न सक्ने जोखिम लिनु उपयुक्त हुँदैनथ्यो ।

कम्पनीकाअनुसार जहाजमा यात्रु थिएनन् । चालक दलका सदस्य र जहाज सुरक्षित रहेको कम्पनीले जनाएको छ । सीताले पहाडी र हिमाली क्षेत्रका जोखिमपूर्ण विमानस्थलहरुमा उडान गर्छ । यस कम्पनीसँग ४ वटा साना जहाज रहेका छन् ।