काठमाडौं । चिनियाँ विदेश मन्त्री वाङ यी नेपाल भ्रमणमा आउने भएका छन् । परराष्ट्र मन्त्रालय स्रोतका अनुसार चिनियाँ विदेशमन्त्री आइतबार नेपाल आउने कार्यक्रम तय भएको छ ।

यद्दपी यसको औपचारिक कार्यक्रम भने सार्वजनिक गरिएको छैन । उनी आशन्न चिनियाँ राष्ट्रपति सी चिनफिङको नेपाल भ्रमणको तयारीका सिलसिलामा नेपाल आउन लागेका हुन् ।

वाङ पाकिस्तानको इलामावाद हुँदै नेपाल आउन लागेका हुन् । उनी आइतबार र सोमबार नेपालमा रहने छन् । यसबीचमा वाङले उच्चस्तरीय राजनीतिक भेटवार्ता गर्ने बताइएको छ ।

शनिबार इस्लामावादमा पाकिस्तान, अफगानिस्तान र चीनको त्रिपक्षीय सहयोगसम्बन्धी बैठकमा भाग लिएर उनी नेपाल आउने कार्यक्रम बनाइएको छ ।

वाङ भारत भ्रमणमा गई दुई देशको सीमासम्बन्धी छलफल गर्ने कार्यक्रम रहेपनि त्यो वार्ता रद्द भएपछि नेपाल आउने वातावरण बनेको हो । निकट भविश्यमा चिनियाँ राष्ट्रपति सी चिनफिङ नेपाल भ्रमणमा आउँदैछन् ।