काठमाडौं । अब एटिएम कार्डबाट दैनिक ६० हजार रुपैयाँ मात्र निकाल्न पाइने भएको छ । नेपाल राष्ट्र बैंकले बिहीबार बैंकहरुलाई एक परिपत्र जारी गरेको छ ।

जसमा दैनिक एटीएमबाट निकाल्न पाइने रकमको सीमा घटाइएको हो । यसअघि दैनिक १ लाख रुपैयाँसम्म एटीएमबाट निकाल्न सकिने व्यवस्था रहेको थियो ।

एक पटक कार्ड छिराएपछि अब २० हजार रुपैयाँ मात्र निस्कने भएको छ । यसअघि २५ हजार निस्कने व्यवस्था थियो ।

चिनियाँ ह्याकरले नेपाली एटीएम बुथहरुबाट रकम चोरी गरेपछि दैनिक सीमा घटाइएको हो । शुक्रबार बाटै यो व्यवस्था लागु हुने भएको छ ।

चिनिँया ह्याकरले नेपाल र भारतका बैंक एटीएम बुथबाट३ करोड ५८ लाख रुपैयाँ झिकेका थिए । यस काण्डमा ६ जना चिनियाँ नागरिक नेपाल प्रहरीले पक्राउ गरिसकेको छ ।