काठमाडौं । संस्कृति, पर्यटन तथा नागरिक उड्डयन मन्त्री योगेश भट्टराईले बुद्धिजीवीले निजगढमा वातावरणको विषय जति उचालेपनि विमानस्थल बनिछाड्ने बताएका छन् ।

विमानस्थलको निर्माणबारे सरकारले अतिकती कदम चाल्नासाथ बुद्धिजिवीहरुका अनेक तर्क आउने भन्दै उनले सबैका कुरा सुन्न आफू तयार रहेको तर, विमानस्थल नबनाउने या स्थान सार्ने भन्ने विषयमा भने थप वहसको औचित्य नरहेको उनको स्पषेक्ती थियो ।

बिहीबार वातावरण पत्रकार समाजले निजगढ विमानस्थलका सम्बन्धमा गरेको एक अध्ययन प्रतिवेदन बुझ्दै मन्त्री भट्टराईले विमानस्थल बनाउनै हुँदैन भन्ने र बनाउनु पर्छ भन्ने दुई बिचारधारका बुद्धिजीवीबीचमा खुला वहस गराउन आफू तयार रहेको भन्दै त्यसका लागि सिंहदरबार आउने समेत उनले विज्ञहरुलाई सुझाव दिए ।

तर, बुद्धिजीवीले उत्तेजनामा ल्याउँदैमा सरकार उत्तेजित भने नहुने उनको भनाई थियो । विमानस्थल बनाउने स्थानका बारेमा अब थप बहसको औचित्य नरहेको भन्दै उनले ठूलै अध्ययनबाट उक्त स्थान चयन गरिएको बताए ।

बाराको निजगढमा निर्माणको प्रस्ताव भएको निजढ विमानस्थल वर्तमान सरकारकै पालामा निर्माण हुने मन्त्री भट्टराईको भनाई छ ।