समाचार

भारतीयले आफ्नै शरीरमा आगो लगाए

झापा । एक भारतीय नागरिकले आफ्नै शरीरमा आगो लगाई आत्मदाह गरेका छन् । झापामा बिहीबार दिउँसा भारतीय नागरिकले आफ्नै शरीरमा आगो लगाएका हुन् ।

प्रहरीका अनुसार अर्जुनधारा–६स्थित फर्निचर उद्योगमा काम गर्दै आएका मजदुरले शरीरमा तार्पिनको तेल र स्प्रिट खन्याई आगो लगाएका थिए । उनको निधन भएको छ ।

भारतको पश्चिम बंगालस्थित पानीट्यांकीका २३ वर्षीय विश्वनाथ बरमनले आत्मदाह गरेको प्रहरीको भनाई छ ।

उनले फर्निचर उद्योगको ट्वाइलेट गई शरीरमा आगो लगाएका थिए । घटनाबारे थप अनुसन्धान जारी रहेको प्रहरीले बताएको छ ।

पछिल्लो समय नेपालमा आत्महत्याको संख्या उल्लेख्य रुपमा बढेको छ ।