Epapers :

21-Sep-2019 | ४ आश्विन २०७६, शनिबार

३६ वर्षिय मालिंगाको जादुमयी बलिङ, लगातार ४ बलमा ४ विकेट झारे

२१ भाद्र २०७६, शनिबार ०   बिचार / प्रतिक्रिया


श्रीलंकाली तिब्र गतिका बलर लासिथ मालिंगाले घातक बलिङ गरेपछि श्रीलंकाले शुक्रबार सम्पन्न खेलमा न्यूजिल्याण्डलाई पराजित गरको छ ।

३ खेलको टी२० श्रृंखला अन्तर्गत पहिलो दुई खेल हारेको श्रीलंकालाई लाज बचाउन समेत तेस्रो खेल जित्नै पर्ने बाध्यता थियो ।

घरेलु मैदानमा पहिले ब्याटिङ गरेको श्रीलंकाले २० ओभरमा ८ विकेट गुमाएर मात्र १२५ रन जोड्यो । जवाफी ब्याटिङमा उत्रिएको न्यूजिल्याण्ड ८८ रनमा समेटियो ।

उसलाई धरासायी बनाउने क्रममा कप्तान समेत रहेका मालिंगाले जादुमयी बलिङ गरेका हुन । ४ ओभर बलिङ गरेका उनले मात्र ६ रन दिएर ५ विकेट झारे ।

मालिंगाले तेस्रो ओभरको तेस्रो बलमा कोलिन मुन्रोलाई १२ रनमा आउट गरी पहिलो विकेट लिए । त्यसपछिको बलमा हेमिश रदरफोर्डको विकेट लिए ।

तेस्रो ओभरको पाँचौ बलमा कालिन डी ग्रान्डहोमको विकेट लिँदै ह्याट्रिक पुरा गरे ।

ओभरको छैठौं बलमा समेत रोस टेलरलाई पेभिलियन फर्काउँदै ३६ वर्षिय मालिंकाले लगातार चार बलमा ४ विकेट लिँदै सनसनीपूर्ण प्रदर्शन गरेका हुन् ।

फेसबुकबाट तपाईको प्रतिक्रिया

सम्बन्धित समाचार