काठमाडौं । नेपाली चलचित्र बुलबुल आगामी ओस्कार अवार्डका लागि नेपालबाट सिफारिसमा पर्न सफल भएको छ ।

९२ औं ओस्कार अवार्डका लागि नेपाली चलचिल बुलबुललाई सिफारिस गर्ने निर्णय भएको अन्तर्राष्ट्रिय फिचर चलचित्र छनोट समितिले जानकारी दिएको छ ।

एकेडेमी अफ मोसन पिक्चर आर्टस् एन्ड साइन्सेसले हरेक वर्ष ओस्कारका विभिन्न विधामा चलचित्र र कलाकारलाई अवार्ड प्रदान गरिन्छ ।

सन् २०२० मा घोषणा गरिने अवार्डका लागि बुलबुलले नेपालको प्रतिनिधित्व गर्ने भएको हो ।

अक्टोवर २०१८ देखि अगस्ट २०१९ सम्म प्रदर्शन भएका चलचित्रबाट छनोट गरी यस चलचित्रलाई सिफारिस गरिएको हो ।

यो चलचित्रमा स्वस्तिमा खड्का, मुकुन भुसाल, बुद्धि तामाङ्ग, दीपक क्षेत्री, एलिना कार्की, जोयश पाण्डेलगायत कलाकारको अभिनय रहेको छ ।

चलचित्रलाई विनोद पौडेलले निर्देशन गरेका हुन् ।