बेङजिङ । चिनियाँ इ कमर्स कम्पनी अलिबाबाका संस्थापक ज्याक माले कम्पनीको जिम्मेवारी छाडेका छन् ।

करीव १ वर्ष अगाडी नै राजिनामाको घोषणा गरेका उनले ५५ वर्षको उमेरमा संस्थाको अध्यक्षबाट राजिनामा गरेका हुन् । उनले मंगलबार राजिनामाको घोषणा गरे ।

२० वर्ष अगाडी कम्पनी स्थापना गरेका उनले छोटो समयमै यति धेरै उचाईमा पुर्याएकी आज उनीसँग ३९ अर्ब डलरको सम्पत्ति रहेको छ ।

उनको कम्पनी अलिबाबाको मूल्य मात्र ४ सय ५० अर्ब डलर पुगेको छ । उनी संसारकै धनी व्यक्तिमध्ये एक हुन । ज्याक माले बाँकि जीवन अब सामाजिक सेवाको काममा सक्रिय हुने प्रतिवद्धता व्यक्त गरेका छन् ।

सन् १९६५ मा जन्जिएमा उनले करीयरको शूरुवातमा अगेंजी शिक्षकमा रुपमा काम गरेका थिए । सन् २०१४ मा ज्याक मा फाउन्डेसन खोलेका उनले अब सोही संस्थामार्फत समाजमा सक्रिय हुने बताएका छन् ।

अब अलिबाबाको जिम्मेवारी भन ड्यानियल झ्याङले सम्हाल्नेछन् । अलिबाबाकै सहायक कम्पनीका रुपमा दराज, अलिबाबा डटकम, अलिबाबा क्लाउड, अलिबाबा पिक्चर्सजस्ता कम्पनी स्थापना भएका हुन् ।
एजेन्सी