अमेरिका

मेक्सिकोबाट अमेरिका छिर्नेलाई असाइलम नदिन ट्रम्प प्रशासनलाई अदालतको स्वीकृती

न्यूयोर्क
अमेरिकी सर्बोच्च अदालतले ट्रम्प प्रशासनको असाइलममा कडाइ गर्ने नीतिलाई अनुमोदन गरेको छ । प्रशासनले दक्षिणी सीमाबाट अमेरिका प्रवेश गर्नेले असाइलम आवेदन गर्न नपाउने नीति अख्तियार गरेको थियो ।

सरकारी नीतिको पक्षमा सर्बोच्चका सात न्यायाधिशले साथ दिएका छन् । दुई न्यायाधिशले मात्र नीतिको विपक्षमा मत दिए ।

क्यालिफोर्निया स्थित संघीय अदालतका न्यायाधिशले उक्त नीति कार्यान्वयनमा रोक लगाएपछि ट्रम्प प्रशासनले सर्बोच्च गुहारेको थियो । यो नीतिले दक्षिणी सीमा हुँदै अमेरिका प्रवेश गर्ने नेपाली समेत प्रभावित हुनेछन् । विगतमा मानव तस्करहरुलाई रकम बुझाएर मेक्सिको हुँदै कैयन् नेपाली अमेरिका प्रवेश गरेका थिए ।

विशेष गरि अश्वेत आप्रवासीहरुप्रति सुरुदेखिनै असहिष्णु नीति लिएको ट्रम्प प्रशासनको अहिलेसम्मकै ठूलो कानूनी जित हो । तर, यसमा अन्तिम फैसला हुन बाँकी छ । आउँदो बर्षको नोभेम्बरमा हुने राष्ट्रपति निर्वाचन अगाडि यसमा अन्तिम फैसला आउने सम्भावना नरहेको कानूनी विश्लेषकहरुले उल्लेख गरेका छन् ।