Epapers :

21-Sep-2019 | ४ आश्विन २०७६, शनिबार

उडिरहेको जहाजमा पाईलटले कफी पोख्दा

२७ भाद्र २०७६, शुक्रबार ०   बिचार / प्रतिक्रिया


चालक दलका ११ सदस्य सहित ३३७ जना बोकेर एट्लान्टिक महासागर माथिको आकाशमा उड्दै गरेको एउटा जहाज  पाइलटले ककपिटमा एक्कासी कफी पोखेको कारण आकस्मिक अवतरण गर्न वाध्य भएको छ । गत फेब्रुअरी ६ तारिखका दिन जर्मनीको फ्र्यांकफर्टबाट मेक्सिकोको क्यानकुनका लागि उड्दै गरेको कनडोर एयरलाईन्सको एयरबस ए ३३० – २४३ मध्य आकाशमा उड्दै गर्दा पईलटले खाँदै गरेको कफी एक्कासी  ककपिटमा पोख्न पुगेका थिए । कफी पोखिएर जहाजको अडियो कन्ट्रोल प्यानलमा भित्रसम्म पुगेको थियो ।तत्काल चालकले जहाजलाई आयरल्याण्डको स्यानन बिमानस्थलमा आकस्मिक अवतरण गरेका थिए ।  

घटनाको बारेमा लामो अनुसन्धानको ६ महिना पछी सार्बनजिक  गरिएको रिपोर्टमा भनिएको छ “घटनामा कुनै पनि यात्रुलाई चोटपटक लागेको थिएन । एयर एक्सिडेन्ट ईन्भेस्टिगेसन ब्रान्चले जारी गरेको रिपोर्टका अनुसार “अडियो कन्ट्रोल प्यानलमा कफी पोखिए पछी जहाजको ककपिटमा धुँवा समेत निस्कन सुरु भए पछी जहाजलाई आकस्मिक अबतरण गर्ने निर्णयमा चालक पुगेका थिए” । 

१३ हजार घण्टा जहाजको सफल उडान गरी सकेका ४९ बर्षीय  चालकको हातमा क्याबिन क्र्युले बिर्को बिनाको एक कप कफी दिईन् । अकस्मात कफीको कपमा पाईलटको हात ठोक्कियो अनि पोखियो ।  जहाज उत्तर एट्लान्टिक  महासागरको माथि  थियो । जहाजमा ३३७ जना सवार थिए ।  कन्ट्रोल प्यानल भित्र तातो कफी पसे पछी धुँवा आउन थाल्यो र आगोको गन्ध पनि आयो । त्यतिकैमा कन्ट्रोल प्यानल भित्रको एउटा बटन तातोले पग्लिए पछी चालक जहाजलाई आकस्मिक अवतरण गराउन बाध्य भएका हुँन्  । घटना पछी जहाजका क्र्यु मेम्बरहरुलाई भबिष्यमा जहाज उडानको समयमा चिया कफी पानी जस्ता तरल पदार्थ बितरण गर्दा आवस्यक सबै बस्तु होसियार साथ प्रयोग गर्न चेतावनी दिईएको छ ।  जहाजलाई आयरल्याण्डमा आकस्मिक अवतरण गर्नु परेको कारण जहाज कम्पनीलाई ८० हजार पाउण्ड ब्ययभार परेको बताईएको छ । 

एजेन्सी

फेसबुकबाट तपाईको प्रतिक्रिया

सम्बन्धित समाचार