समाचार

संविधान दिवसको उपलक्ष्यमा ३४ हजारलाई अमेरिकी नागरिकता बितरण गरिंदै

न्युयोर्क   

अमेरिकी सरकारले संबिधान दिवसको उपलक्ष्यमा ३४ हजार ३ सय जनालाई अमेरिकी नगरिकता बितरण गर्ने भएको छ ।  उक्त जानकारी आज शुक्रबार युएससिअाईएसद्वारा जारी सुचनामा जनाईएको छ । आगामी सेप्टेम्बर १३ तारिखदेखि २३ तारिख भित्र ३४ हजार ३ सय जनालाई देशभर आयोजित हुने ३१६ सपथ कार्यक्रम स्थलबाट नागरिकता बितरण गरिन लागिएको हो ।  

अमेरिकाको संबिधान दिवस आगामी सेप्टेम्बर १७ तारिख मंगलवार हो । संबिधान दिवसको अवसर पारेर ३४ हजार गैह्र नागरिकलाई अमेरिकी नागरिक बनाउने निर्णयको प्रसंगमा युएससिअाईएसका कार्यकारी निर्देशक केन कुसिनिली भन्छन्; “२ सय ३२ बर्ष पहिले यो महान देशले संयुक्त राज्य अमेरिकाको संबिधानलाई आत्मसात गर्‍यो । यही समारोहलाई हामी संबिधान दिवस सप्ताह मनाउँछौ । मलाई लाग्छ हजारौं मानिस जो यो देशप्रति प्रतिबद्द र संबिधानप्रति बफादार छन, उनिहरुलाई अमेरिकामा स्वागत गर्दै संबिधान दिवस मनाउनु जत्तिको राम्रो कुरा अरु के होला र ?” 

अमेरिकाले प्रत्येक बर्ष देशभर आयोजित गरिने सपथ कार्यक्रम मार्फत ६ लाख ५० हजारदेखि ७ लाख योग्य मानिसलाई अमेरिकी नागरिकता बितरण गर्दै आएको छ भने सन् २०१८ मा ५ बर्ष कै सबैभन्दा धेरै ७ लाख ५६ हजारलाई अमेरिकी नागरिकता बितरण गरेको थियो ।