स्वास्थ्य

संविधान दिवस पारी सरकारी अस्पतालमा निःशुल्क ओपीडी

काठमाडौं । २ असोजमा देशभरका सरकारी अस्पतालमा निःशूल्क ओपीडी सेवा उपलब्ध हुने भएको छ । ३ असोजमा भव्यताका साथ संविधान दिवस मनाउने तयारी सरकारको छ ।

सोही क्रममा अस्पतालहरुमा एक दिनका लागि ओपीडी निःशूल्क गर्ने निर्णय भएको स्वास्थ्य मन्त्रालयले जानकारी दिएको छ ।

मन्त्रालयले मातहतका अस्पताल तथा स्वास्थ्य संस्थामा ओपीडी टिकट निःशुल्क वितरण हुने जानकारी दिएको छ ।

अन्य सेवा भने साविककै अनुसार संचालन हुने मन्त्रालयले जनाएको छ ।

सरकारले यस दिन भब्य रुपमा मनाउने गरी हरेक मन्त्रालयबाट कार्यक्रम माग गरेको थियो । त्यसअनुसार स्वास्थ्य मन्त्रालयले निःशूल्क ओपीडीको घोषणा गरेको छ ।