काठमाडौं । अर्थमन्त्री डा. युवराज खतिवडालाई शेयर लगानीकर्ता त्यति रुचाउँदैनन् । किनकी अर्थमन्त्रीले शेयरमा हुने लगानीलाई अनुत्पादक ठान्छन् ।

अर्थतन्त्रका ज्ञाता मानिने अर्थमन्त्री भएको समयमा पनि नेप्से परिसूचक लगातार घटिरहेको छ । यसले लगानीकर्ताहरु निरन्तर निरासामा छन् ।

मंगलबार करीव चमत्कार जस्तै भएको छ । यस दिन एकै पटक २७ अंकले बजार वृद्धि भएको छ । आखिर के त्यस्तो चमक्कार के भयो ?

जसले बजारमा एकै पटक ठूलो वृद्धि भयो ? मुलुकमा सकारात्मक सन्देश दिने खासै ठूलो परिवर्तन पनि भएको छैन ।

विज्ञहरुका अनुसार शेयरबजारप्रति अनुदार अर्थमन्त्रीको एक उदार भाषणका कारण लगानीकर्ता हौसिएका हुन् ।

मंगलबार बिहानै कर्मचारी संचयकोषको वार्षिक साधारणसभामा पुगेका अर्थमन्त्री खतिवडाले कोषलाई पनि शेयर बजारमा आउन आग्रह गरेका थिए ।

अर्थमन्त्रीले शेयर बजारमा सन्चय कोष तथा नागरिक लगानी कोषलाई समेत समावेश गर्ने बताएका थिए । उनको यो भाषणसँगै लगानीकर्ता हौसिएका छन् ।

साताको दुई दिन लगातार दोहोरो अंकले घटेको शेयर बजार तेस्रो दिन मंगलबार २६.९१ अंकले बढेको छ ।

मंगलबार १२३.८४ अंकबाट शुरु भएको कारोबार ११५०.७४ अंकमा पुगेर बन्द भएको छ ।

यस दिन १७१ कम्पनीको १३ लाख ७७ हजार ९ सय ४६ कित्ता शेयर कारोबार भएको छ । जसबाट ३८ करोड ३९ लाख ५७ हजार रुपैयाँको शेयर कारोबार भएको छ ।