Epapers :

23-Oct-2019 | ६ कार्तिक २०७६, बुधबार

नेपाल एयरलाइन्समा अग्रिम बुकिंग खुल्यो, भाडामा जेष्ठ नागरिकलाई छूट

१ आश्विन २०७६, बुधबार ०   बिचार / प्रतिक्रिया


काठमाडौं । नेपाल एयरलाइन्सले दशैंलाई लक्षित गरी अग्रिम बुकिंग खुलाएको छ । १ असोजबाट लागु हुने गरी अग्रिम बुकिंग खुला गरेको नेपाल एयरलाइन्सले जनाएको हो ।

निगमको केन्द्य्रिय कार्यालयस्थित काउन्टरबाट टिकट बुक गर्न सकिने निगममो उल्लेख गरेको छ ।

निगमसँग आन्तरिक उडानमा ९ वटा जहाज रहेको भएपनि तीन वटा मात्र उड्ने गर्छन् । ती जहाजबाट निगमले करीव १ दर्जन गन्तब्यमा उडान गर्छ ।

यसैबीच, निगमले मंगलबार बाटै लागू हुने गरी ७० वर्ष कटेका जेष्ठ नागरिकका लागि ५० प्रतिशत छूटको घोषणा गरेको छ ।

निगमको आन्तरिक उडानमा यो योजना लागु हुने भएको छ । यो छूट पाउन समेत केन्द्रिय कार्यालयमै पुग्नु पर्छ ।

संस्कृति, पर्यटन तथा नागरिक उड्डयन मन्त्री योगेश भट्टराईको घोषणा बमोजिम निगमले छूट दिने योजना कार्यान्वयन गरेको हो ।

त्यसो त निगम सुधारका लागि गठन भएको कार्यदलले समेत बुधबार नै आफ्नो प्रतिवेदन मन्त्री भट्टराई समक्ष पेश गरेको छ ।

उक्त कार्यदलले निगमलाई कम्पनीमा परिणत गरी संचालन गर्न सकिने सुझाव दिएको छ ।

वर्तमान व्यवस्थापकीय संरचनामा आमूल परिवर्तन गरी नयाँ चुस्त व्यवस्थापनको आवश्यकता समेत औल्याइएको छ ।

निगममा व्यापारिक स्वार्थ बाझिने गरी व्यक्तिहरु नियुक्ति गर्दा निगमको विरुद्धमा काम हुने गरेको समेत कार्यदलको निष्कर्ष रहेको छ ।

फेसबुकबाट तपाईको प्रतिक्रिया

सम्बन्धित समाचार