ह्यूस्टन । अमेरिकाको टेक्सास राज्यस्थित ह्यूस्टन शहर डुबानमा परेको छ । भारी वर्षापछि आएको बाढीले शहर डुबानमा परेको अन्तर्राष्ट्रिय संचारमाध्यमले लेखेका छन् ।

पछिल्लो तीन दिन देखिको अविरल वर्षाले यहाँ ठूलो बाढी आएको हो । शहर जलमग्न भएको छ ।

यो त्यही शहर हो, जहाँ भारतीय प्रधानमन्त्री नरेन्द्र मोदीले अमेरिकी राष्ट्रपति डोनाल्ड ट्रम्पले संयुक्त रुपमा करीव ५० हजार नागरिक सहभागी एक र्यालीमा सहभागिता जनाउने छन् र सम्बोधन पनि गर्नेछन् ।

आगामी २६ सेप्टेम्बरमा उक्त कार्यक्रम आयोजना गरिएको छ । यदि वर्षा निरन्तर जारी रह्यो र शहर डुबान मै रह्यो भने विशिष्ट व्यक्तिको सहभागितामा हुने कार्यक्रम रद्द हुने सम्भावना रहेको समेत बताइएको छ ।

ह्यूस्टनमा प्रधानमन्त्रीको कार्यक्रम एनआरजी स्टेडियममा हुने तय भएको छ । यो क्षेत्र समेत पानीमा डुबेको छ ।

स्थानीय सरकारले बाढीबाट बच्न हाइ अलर्ट जारी गरेको छ । विद्यालयहरुमा बिदा दिइएको छ ।

नागरिकलाई सुरक्षित स्थानमा लैजाने काम पनि जारी रहेको बताइएको छ ।