फिचर

खाना पकाउने ग्यास र हवाई इन्धनको मूल्य घट्यो

काठमाडौं । सरकारले खाना पकाउने ग्यास र हवाई इन्धनको मूल्य घटाएको छ । नेपाल आयल निगमले खाना पकाउने ग्यासको मूल्य घटाएको हो ।

संविधान दिवस कै अवसर पारी मूल्य घटाउने निर्णय गरेको हो । निगमका अनुसार ग्यासमा प्रतिसिलिन्डर २५ रुपैयाँ घटाइएको छ ।

निगमका अनुसार खाना पकाउने ग्यास अब प्रतिसिन्डिर १ हजार ३ सय ५० रुपैयाँमा किन्न पाइने भएको छ ।

यसैगरी अन्तर्राष्ट्रिय उडान तर्फको हवाई इन्धनको मूल्य पनि घटाएको छ । निगमले प्रति किलोलिटर ५० अमेरिकी डलरले मूल्य घटाएको हो ।

अब अन्तर्राष्ट्रियतर्फ प्रतिकिलोलिटर १ हजार अमेरिकी डलरमा जहाजले तेल हाल्न पाउने गरी मूल्य समायोजन भएको छ ।

निगमले ग्यासमा स्वचालित मूल्य कायम गरेको हो । यस्तो मूल्य अन्तरांष्ट्रिय बजार अनुसार थपघट हुने गर्छ ।