समाचार

चिनियाँ राष्ट्रपति दशैं लगत्तै नेपालमा

काठमाडौं । काठमाडौं । चिनियाँ राष्ट्रपति सी जिनपिङ नेपाल आउने निश्चित भएको छ । उनी दशैं पछि नै नेपाल भ्रमणमा आउने भएका हुन् ।

भारतमा आयोजित एक कार्यक्रममा भाग लिएर चीन फर्कने क्रममा उनी नेपालमा बस्नेछन् । चिनियाँ राष्ट्रपति ११ अक्टोवरदेखि भारत भ्रमणमा निस्कने परराष्ट्र मन्त्रालय स्रोतको भनाई छ ।

भारतमा एक सम्मेलनका दौरान १४ अक्टोवरसम्म रहने भएका छन् । त्यसपछि उनी नेपाल आएर १५ अक्टोवरमा चीन फर्कने गरी कार्यक्रम तय गरिएको छ ।

भारतमा चिनियाँ राष्ट्रपतिले भारतीय प्रधानमन्त्री नरेन्द्र मोदीसँग भेटवार्ता गर्दैछन् ।

यी तीन मुलुकबीचको सम्बन्धलाई विश्व राजनीतिमा सधै रणनीतिक रुपमा हेर्न गरिन्छ । एसियामा शान्ती कायम गर्न समेत भारत, नेपाल र चीनको भूमिका महत्वपूर्ण हुन्छ ।

नेपाल यी दुई देशको बीचमा अवस्थित एक टथस्त मुलुक हो । सी भ्रमणको वातावरण बनाउने चिनियाँ कम्युनिस्ट पार्टी, विदेश विभागबाट पनि एक टोली नेपाल आउने पक्का भएको छ ।

राष्ट्रपति भ्रमणको दौरान नेपाल र चीनबीच केही महत्वपूर्ण आयोजना तथा सम्झौतामा हस्ताक्षरको तयारी भइरहेको छ ।

यसमा बहुचर्चित काठमाडौं केरुङ रेलमार्ग समेत रहने अनुमान छ । यद्दपी सम्झौताका विषयहरु भने बाहिरिएको छैन ।