काठमाडौं । नेपाली एक हजारको नोटमा अब दुई वटा हात्तिको फोटो राखिने भएको छ ।

नेपाल राष्ट्र बैंकका अनुसार चितवनमा हुर्किरहेका दुई जुम्ल्याहा हात्ति राम र लक्ष्मणको तस्वीर राखेर नयाँ हजारको नोट निकालिने भएको छ ।

नयाँ डिजाइन अर्थ मन्त्रालयबाट स्वीकृत समेत भइसकेको छ। चिनियाँ कम्पनीबाट यो नोट प्रकाशित हुने भएको छ ।

नोट छपाइको सम्झौता भएको करिब १ वर्षमा नयाँ नोट प्रचलनमा आइसक्ने राष्ट्र बैंकको भनाई छ ।

अहिले एक हजारको नोटमा एउटा मात्र हात्ति रहेको छ । यो हात्ति विदेशी रहेको र नेपाली हात्तिकै फोटो हुनुपर्ने माग उठ्दै आएको छ ।

राम-लक्ष्मण अहिले चितवन राष्ट्रिय निकुन्जमा हुर्किरहेका छन् । ३१ करोड थान नोट छपाईका लागि चिनियाँ कम्पनीले जिम्मा पाएको बताइएको छ ।