विश्व

मेसी बने फिफा वर्ष खेलाडी

इटाली । बार्सिलोनाका फर्वाड कप्तान लियोनल मेस्सी फिफा वर्ष खेलाडी चुनिएका छन् ।

सोमबार राती इटालीमा आयोजित विशेष समारोहमा फिफाले उक्त अवार्ड घोषणा गरेको हो । मेसीले क्रिस्टियानो रोनाल्डो र भर्जिल भान डाइकलाई उछिनेका हुन् ।

विश्व फुटबल महासंघ (फिफा)ले अघिल्लो सिजनमा गरेको प्रदर्शनका आधारमा उक्त अवार्ड प्रदान गर्छ ।

मेसीले अघिल्लो सिजनमा ५८ खेलबाट ५४ गोल गरेका थिए । यस वर्ष उत्कृष्ट महिला खेलाडीको अवार्ड मेगान रापिनोईले हात पारिन् ।

फिफा वर्ष पुरुष प्रशिक्षकमा भने लिभरपुलका जोर्गेन क्लोपको हातमा पुग्यो । महिला प्रशिक्षकको उपाधी जिल एलिसले जितिन् ।

बालोन डि ओरसँगको साझेदारी तोडिएपछि फिफाले स्वतन्त्र रुपमा अवार्ड दिन थालेको हो । यसरी दिन थालिएको यो चौथो पटक हो ।

फ्रान्स फुटबल म्यागाजिनले १९५६ देखि वितरण गर्न सुरु गरेको बालोन डि’ओरमा फिफाले २०१० देखि २०१५ सम्म साझेदारी गरेको थियो।