14-Nov-2019 | २८ कार्तिक २०७६, बिहीबार

नवलपरासीमा ट्रकले कारलाई ठक्कर दियो, ५ जनाको मृत्यु

७ आश्विन २०७६, मंगलवार ०   बिचार / प्रतिक्रिया


नवलपरासी । ट्रकले कारलाई ठक्कर दिएर भएको दूर्घटनामा सोमबार ५ जनाको निधन भएको छ ।

सोमबार राती पूर्वपश्चिम राजगार्गअन्तर्गत कावासोती नगरपालिकाको खरकट्टा जङ्गलमा लु१ख ८५३२ नंको ट्रक र बा४१च ६४०९ नंको कार ठोक्किएको प्रहरीले जनाएको छ ।

कारमा सवार पाँचै जनाको निधन भएको प्रहरीले जानकारी दिएको छ । दुर्घटनापछि गम्भीर घाइते अवस्थामा रहेका उनीहरुलाई उपचारका लागि भरतपुर अस्पतालमा पठाइएको थियो ।

केही समयमै अस्पतालले मृत घोषणा गरेको थियो । उता, नवलपरासी मै भएका अन्य दुई दूर्घटनामा १ जनाको निधन भएको छ भने कम्तीमा २० जना घाइते भएका छन्।

नवलपरासीको मध्यविन्दु नगरपालिका–१० स्थित जङ्गलमा दाङबाट काठमाडौं आउँदै गरेको ना७ख ८६४२ नंको बस पल्टिँदा मकवानपुर घर भएका बसचालक लक्ष्मण तिमिल्सिनाको मृत्यु भएको छ ।

दुर्घटनामा १५ घाइते छन् । नवलपरासीकै मध्यविन्दु नगरपालिका–७ स्थित पूर्वपश्चिम राजमार्गको ४० किलो भन्ने स्थानमा बस पल्टिएपछि ५ जना घाइते भएका छन् ।

फेसबुकबाट तपाईको प्रतिक्रिया

सम्बन्धित समाचार