काठमाडौं । दशैंमा घर पुग्ने यात्रुहरुको सहजताका लागि ८ दिनसम्म रुट परमिट स्वतन्त्र गरिएको छ । यसको मतलव बीना रुट परिमिट गाडीहरु जुन सुकै सडकमा गुड्न सक्ने भएका छन् ।

काठमाडौबाट करीव २० देखि २५ लाख हाराहारी मानिस दशैंको अवसरमा बाहिरिने अनुमान छ ।

यातायात व्यवस्था विभागका अनुसार १२ असोजबाट ८ दिनसम्मका लागि सार्वजनिक सवारी साधनको इजाजतपत्र (रुट परमिट) खुला गरिएको हो ।

यस्तो परमीट १९ असोजसम्म लागु हुने भएको छ । यस्ता सवारी साधनले पटकेलाई लागि झण्झट बेहाुर्न पर्दैन । सडक दस्तुर बुझाउँदै सवारी साधन जुनसुकै रुटमा पनि चल्न सक्ने भएका छन् ।

दशैंमा धेरै यात्रुले रिर्जभ बसहरु लगेर ग्रामिण भेगमा जाने गर्छन् ।

यस्तो बेला सहज यात्राका लागि विभागले हरेक दशैंमा इजाजत खुला गराउने गर्छ ।

विभागले सामान बोकेर नारायणगढ हुँदै काठमाडौं भित्रिने मल्टि एक्सन ट्रयाम्क्टर ट्रेलरलाई भने यस अवधिभर सञ्चालनमा रोक लगाएको छ ।

सुस्त गतिमा गुड्ने यस्ता सवारीले सडकमा ठूलो जाम गराउने विभागको भनाई छ ।

पछिल्लो समय अग्रिम बुकिंग खुलेपनि धेरै यात्रु अग्रिम बुकिंगको लाइनमा बस्नुको साटो आफूखुसी सवारी लिएर जाने प्रचलन बढेको छ ।