काठमाडौं । नेपाल एयरलाइन्सको जापानको टोकियोस्थित नारिता विमानस्थलमा दुई वटा चार्टर्ड उडान गर्ने भएको छ ।

आगामी बिहीबार काठमाडौंबाट उडेको जहाज शुक्रबार काठमाडौं फर्कने गरी उडान तालीका मिलाइएको छ ।

दशैंको अवसर पारी ओशाका पुग्न नसक्ने नेपालीलाई लक्षित गरी जापानको राजधानी टोकियोस्थित नारिता विमानस्थलमा चार्टर्ड उडान गर्न लागिएको निगमको भनाई छ ।

निगमले अहिले ओशाका विमानस्थलमा साताको दुई उडान गरिरहेको छ ।

नारितामा दुई उडानका लागि सुमेघ टूर्स एण्ड ट्राभल प्रालिले चार्टर्ड गरेको हो । नारितामा दोस्रो उडान भने २ अक्टोवरमा काठमाडौंबाट उडेर ३ अक्टोवरमा फर्कने गरी तय गरिएको छ ।