12-Dec-2019 | २६ मंसिर २०७६, बिहीबार

चीनले बनायो संसारकै विशाल विमानस्थल, बुधबारबाटै संचालनमा

८ आश्विन २०७६, बुधबार ०   बिचार / प्रतिक्रिया


बेइजिङ । चीनले चमत्कारिक विकासलाई निरन्तरता दिएको छ । यसै सिलसिलामा बुधबारदेखि संसारकै ठूलो डासिङ विमानस्थल सञ्चालनमा ल्याएको छ ।
करीब साढे १३ खर्ब नेपाली रुपैयाँ (१२ अर्ब अमेरिकी डलर) लागतमा निर्माण भएको यो विमानस्थल चमत्कारिक विकासको एक रुप हो ।

किनकी यो करीव ९८ वटा फूटबल मैदान बराबरको क्षेत्रफलमा फैलिएको छ । चिनियाँ राष्ट्रपति सि चिनफिङले विमानस्थल खुला भएको घोषणा गरेका छन् ।

सन् २०१६ बाट निर्माण थालिएको यो अत्यन्तै महत्वाकांक्षी आयोजनालाई चीनले ४ वर्ष भित्रै पुरा गरेर अर्को चमत्कार गरेको हो ।

चिनियाँ अर्थतन्त्रलाई माथि उकास्न यो परियोजना निकै सहयोगी सावित हुने अपेक्षा चिनियाँ अधिकारीहरुले गरेका छन ।

यो विमानस्थलले वार्षिक १० करोड यात्रुलाई सेवा दिन सक्ने भएको छ । विमानस्थलदेखि विभिन्न राज्यसम्म दू्त गतिको रेल समेत सँगै बनाएको छ ।

जसले गर्दा यो विमानस्थलले सजिलै विजेनश पाउने छ । अहिले संसारभरका जहाज चीनमा उडान गर्न चाहन्छन् ।

तर, स्लट अभावले चीनले उडान अनुमति दिन सकिरहेको छैन ।

फिनिक्स चरा आकारको विमानस्थल अहिले सञ्चालनमा रहेको बेइजिङको क्यापिटल इण्टरनेशनल एयरपोर्टको चाप कम गर्न सहयोगी हुने अपेक्षा चिनियाँ अधिकारीको रहेको छ ।

अन्तरराष्ट्रिय वायुसेवा कम्पनी ब्रिटिश एयरवेज, क्याथे प्यासिफकलगायत कम्पनीले प्रारम्भमै नयाँ विमानस्थलबाट उडन थाल्दैछन् ।

चीनले यस विमानस्थलको पावर सप्लाईका लागि सोलार सिस्टम जडान गरेको छ ।

नेपालबाट निकट भविश्यमा नेपाल एयरलाइन्स र हिमालय एयरलाइन्सले यस विमानस्थलमा उडान अनुमति पाउने आशा गरेका छन् ।

एजेन्सी

Loading...

फेसबुकबाट तपाईको प्रतिक्रिया

सम्बन्धित समाचार