विज्ञान प्रविधि

नाडीमा बाँधेको एप्पल घडीले वासिङ्टनमा एक जनाको ज्यान यसरी बचायो

दैनिक कृयाकलापको क्रममा मानिस एक्लै हिंडडुल गर्दा एकान्त ठाउँमा अकस्मात लडेर बेहोस भयो भने एम्बुलेन्स वा चिकित्सकलाई स्वयम् लडेको ब्यक्तीले खबर गर्न सक्ने त कुरै भएन । यस्तो अवस्थामा त्यो लडेको ब्यक्तीको मृत्‍यु समेत हुन सक्दछ वा घाईते  मानिसको ज्यानमा जोखिम धेरै हुन पुग्दछ ।  अमेरिकाको वासिङ्टन राज्यमा बसोबास गर्दै आएका बब बर्डेट नामका एक ब्यक्तीले यस्तै परिस्थितीको सामना गर्नु पर्‍यो । उनी गत १५ तारिख अाईतबार एक्लै साईकल चढेर गईरहेका थिए । बाटोमा अकस्मात साईकल ठोक्किन पुग्दा उनी साईकलबाट लडे ।  उनको टाउको सडक किनारामा ठोक्किन पुग्यो र तत्काल बेहोस् पनि भए । लडेर घाईते भएका उनलाई  उपचारको लागि अस्पतालसम्म पुर्याउनका लागि खबर गर्ने वरिपरि कोही मान्छे थिएन तर उनले हातमा बाँधेको एपल कम्पनीको एपल घडीले उनी लडेको थाहा पायो र प्रहरी हण्टिङ लाईन ९११ मा तत्काल स्वचालित रुपमा फोन गर्‍यो ।  ९११ मा फोन आएपछि फोन गर्ने मानिसबाट प्रतिउत्तर नआए पनि लोकेसनमा प्रहरी र एम्बुलेन्स तत्कालनै पुगेका थिए ।  बबले हातमा बाँधेको एपल घडीले प्रहरी बोलाउने काम मात्र गरेन उसले उनको छोरा  गेब बर्डेटलाई समेत                            स्वचालित टेक्स्ट मेसेज पठाई दियो । घाइते  बबको छोरा गेब बर्डेट आफ्नो बाबुसंगै  पार्कमा माउनटेन बाईकिङ जानको लागि कतै बसेर बाटोमा आउँदै गरेका आफ्नो बाउलाई कुर्दै थिए । अकस्मात बाबुको फोनबाट लोकेसन सहित “हार्ड फल डिटेक्टेड” मतलब लडेको पत्ता लाग्यो भनेर टेक्स्ट मेसेज आयो र गेब कुदेर उक्त लोकेसनमा पुगे तर उनको बाबु बब त्यहाँ थिएनन् । त्यहाँ पुग्ने बित्तिकै छोरा गेबलाई पुनः बाबुको नम्बरबाट अर्को टेक्स्ट आयो जसमा लेखिएको थियो; लोकेसन चेन्ज्ड अनी साथमा एस एच् एम सि अस्पतालको लोकेसन समेत एप्पल वाचले पठाएको थियो । त्यस पछि छोरा गेब अस्पताल पुगेर आफ्नो बाबुलाई भेटेका थिए ।  

गेबले गत शुक्रबार आफ्नो फेसबुकमा लेखेको अचम्म लाग्दो घटना अहिले सामाजिक संजालमा भाईरल भई रहेको छ ।  गेबले लेखेका छन् उक्त दिन २ घण्टा जती मेरो बाबुलाई अस्पातलमा राखेर एक्स रे सिटी स्क्यान गरियो । मेरो पिताको स्वास्थ  अवस्था सामान्य छ । यदि कसैले एप्पल वाच लगाएको छ भने “हार्ड फल डिटेक्सन सेट अप” गर्न नभुल्नु होला ।  

श्रोत : न्युयोर्क पोष्ट