फिचर

सबै वायुसेवा कम्पनीले विपन्न जेष्ठ नागरिकलाई हवाई भाडामा छूट दिने

काठमाडौं । संस्कृति, पर्यटन तथा नागरिक उड्डयन मन्त्री योगेश भट्टराईको घोषणा बमोजिम आन्तरिक वायुसेवा कम्पनी ७० वर्ष माथिका जेष्ठ नागरिकलाई हवाई उडानमा छूट दिन तयार भएका छन् । तर, त्यसका लागि भने उनीहरुले शर्त राखेका छन् ।

कम्पनीले अब विपन्न वर्गका जेष्ठ नागरिकलाई मात्र भाडामा ५० प्रतिशत छूट दिने भएका हुन् ।

नागरिकले वायुसेवा कम्पनीको काउन्टरमै पुगी आफू विपन्न भएको स्वघोषणा गरेमा हवाई भाडामा ५० प्रतिशत छूट दिइने वायुसेवा संचालक संघले जानकारी दिएको छ ।

छूट हवाई भाडाको सबैभन्दा माथिल्लो दरमा मात्र लागु हुने भएको छ । यसको मतलव अफ सिजनमा निकै सस्तो मूल्यमा टिकट बेच्दा कम्पनीहरुको छूट योजना काम लाग्ने छैन ।

किनकी अफ सिजनमा कम्पनीको आधा भन्दा पनि कम मूल्यमा सबै यात्रुलाई उडाउने गर्छन् ।

कम्पनीहरुले ठूला विमानस्थलमा प्रतिदिन प्रतिसेक्टरमा २ जना विपन्न जेष्ठ नागरिक र साना विमानस्थलमा प्रतिदिन प्रतिसेक्टर १ जनालाई मात्र यस्तो सुविधा प्राप्त हुने सं३ले उल्लेख गरेको छ ।

यसको मतलव वायुसेवा कम्पनीले सांकेतिक रुपमा मात्र मन्त्रीको निर्णयलाई समर्थन गरेको देखिन्छ । यो सुविधा घटस्थापनाको दिनबाट लागू हुने आयोनले सार्वजनिक गरेको छ ।