समाचार

जिम्बाब्वेसँग हार्यो नेपाल, ब्याटिङमा पुरानै समस्या

काठमाडौं । ब्याट्सम्यान चुक्दा नेपाल जिम्बाब्वेविरुद्ध ऐतिहासिक जीत हाँसिल गर्नबाट चुक्यो ।

शुक्रबार देखि सिंगापुरमा शुरु त्रिदेशिय टी २० सिरिजमा पहिले ब्याटिङ गरेको नेपालले निर्धारित २० ओभरमा ६ विकेट गुमाएर मात्र १ सय ३२ रन जोड्यो ।

नेपालका लागि दीपेन्द्रसिंह ऐरी र सोमपाल कामीले मात्र राम्रो प्रदर्शन गरे । ऐरिले ३३ बलमा ४० रन बनाए । सोमपालले १४ बलमा २५ रन बनाउँदै अविजित रहे ।

कप्तान पारस खड्काले १८ र सन्दिप जोराले १७ रन जोडेपनि बल धेरै खर्च गरे । लगातार विकेट गुमाएपछि नेपालको पारी समस्यामा परिरहेको थियो ।

जवाफी ब्याटिङमा उत्रिएको जम्बिाब्वेले ११ बल बाँकि छँदै ५ विकेटको क्षतिमा लक्ष्य पुरा गर्यो ।

नेपालका लागि सन्दिप लामिछानेले ४ ओभरमा मात्र १५ रन दिएर ३ विकेट लिएपनि जिम्बाब्वेको ब्याटिङ लाइनअपलाई रोक्न भने सकेनन् ।

सन्दिप बाहेक अन्य बलरले विपक्षीलाई टक्कर दिन सकेनन् । अब नेपालले शनिबार सिंगापुरसँग दोस्रो खेल खेल्नेछ ।