Epapers :

23-Oct-2019 | ६ कार्तिक २०७६, बुधबार

गलत महिलालाई चिकित्सकले गर्भपतन गर्दिंदा

११ आश्विन २०७६, शनिबार ०   बिचार / प्रतिक्रिया


सामान्य उपचारको लागि अस्पताल पुगेका बिरामीहरु चिकित्सकको गलत उपचारका कारण बिरामीको मृत्‍यु हुनु नेपालका लागि आजकाल नौलो मानिदैन । नेपालमा हरेक महिना जस्तो यस्ता समाचार सुनिन थालेका छन् । केही हप्ता अगाडि मात्र पत्थरीको शल्यकृया गर्न नाम चलेको ॐ अस्पताल पुगेकी एक महिलाको मृत्‍यु भएपछि केही दिन तनाब भएको समाचार पुरानो भएको छैन । नेपाल जस्ता कानूनको पूर्ण पालना नहुने मुलुकमा यस्ता घटना नौलो मानिदैन तर बिकसित मुलुकुहरुमा यस्ता घटना हुनु निकै नौलो मानिन्छ ।

दक्षिण कोरियाको एक क्लिनिकमा चिकित्सकले झुक्किएर गलत महिलाको गर्भपतन गरेको समाचार  बाहिर आएको छ । गत अगष्ट ७ तारिखको उक्त घटनामा प्रहरीले अनुसन्धान शुरु गरेको छ ।  राजधानी सियोलको ग्यांसियोस्थित प्रहरी कार्यालयका अनुसार अगष्ट ७ तारिखका दिन एक महिला उक्त क्लिनिकमा ६ हप्ताको गर्भ लिएर नियमित जांचको लागि गएकी थिईन । ती महिलाको पुरानो अभिलेख भेटिएन अनि उनको परिचय क्लिनिकले पुस्टि गर्न सकेन । दक्षिण कोरियास्थित समाचार संस्था योनह्यपका अनुसार गर्भमा भएको शिशुका लागि पोषणको भ्याक्सिन लिन चिकित्सककोमा पुगेकी ति महिलाको पारिचय नै प्रष्ट नभै क्लिनिकका नर्सले एनेस्थेसिया (बेहोस् पार्ने औषधी) दिए र चिकित्सले गर्भपतन गराईदिएका थिए ।  पिडित बिरामीले चिकित्सकहरुले आफ्नो गर्भपतन गरेको सम्पूर्ण प्रकृया बारे पिडित महिला पूर्णरुपमा अनभिज्ञ थिईन ।  

चिकित्सक तथा नर्सले गल्ती स्विकारी सकेको समाचार संस्थाहरुले जनाएका छन् ।  प्रहरीले गत सोमबारदेखि अनुसन्धान शुरु गरेका छन् । दक्षिण कोरियामा बिगत ६६ बर्षदेखि प्रतिबन्धित गर्भपतन गत अप्रिल महिनादेखि फुकुवा गरिएको छ । पिडित महिला, पिडक चिकित्सक र नर्स अनि क्लिनिकको नाम समेत गोप्य राखिएको छ ।  

श्रोत : एजेन्सी

फेसबुकबाट तपाईको प्रतिक्रिया

सम्बन्धित समाचार