काठमाडौं । कप्तान पारस खड्काको कीर्तिमानी शतकसँगै सिंगापुरमा जारी त्रिदिवसीय टी-२० सिरिजमा नेपालले घरेलु टीममाथि ९ विकेटको सानदार जीत दर्ता गरेको छ ।

शनिबार साँझ सिंगापुरमा सम्पन्न खेलमा कप्तान पारस खड्काले १ सय ६ रनको कीर्तिमानी शतक प्रहार गरे ।

उनी नेपालका तर्फबाट टी-२० र वान डे इन्टरनेशनल दुबै फम्र्याटमा शतक प्रहार गर्ने एक मात्र खेलाडी बनेका छन् । उनले ४९ बलमै शतक प्रहार गरेका हुन् ।

टस जितेर पहिले ब्याटिङ गरेको सिंगापुरले ३ विकेट गुमाएर १ सय ५१ रन जोड्यो । जवाफी ब्याटिङमा उत्रिएको नेपालले १६ ओभरमा मात्र १ रन गुमाएर लक्ष्य पुरा गरेको हो ।

पारसले ९ छक्का र ४ चौका प्रहार गरी आफ्नो क्षमता प्रदर्शन गरे । नेपालका लागि आरिफ सेख र पारसबीच १ सय ४५ रनको कीर्तिमानी साझेदारी समेत बन्यो ।

सेखले ३९ रन बनाए । उनले कप्तान खड्कालाई निकै महत्वपूर्ण साथ दिए । जारी सिरिजमा नेपालले पहिलो जीत दर्ता गरेको हो । नेपाल शुक्रबार जिम्बावेसँग पराजित भएको थियो ।