काठमाडौं आए दशैंका खसी-बोका
Vishwanews.com
29 September, 2019काठमाडौं । सरकारले दशैंमा बिक्रि गर्न किनेका खसी-बोका काठमाडौं ल्याएको छ । काठमाडौंमा खाद्य व्यवस्था तथा व्यापार कम्पनीले सरकारको तर्फबाट खसी बोका बिक्रि गर्ने भएको छ ।
आइतबार काठमाडौं ल्याइएका खसी र च्यांग्राको बिक्रि भने सोमबारबाट मात्र शुरु हुने भएको छ ।
सोमबार मूल्य निर्धारण गरेपछि उपभोक्ताका लागि बिक्रि शुरु गरिने भएको छ ।
दशैंको समयमा निजी क्षेत्रबाट बजारमा अनाधिकृत मूल्य नराखियोस भनी बजार हस्तक्षेपका लागि सरकारले खसी बोका ल्याएर बिक्रि गर्ने गर्छ ।
सरकारले देशका विभिन्न स्थानबाट खरीद गरेका खसी बोका तथा च्यांग्रा काठमाडौं ल्याउँदैछ ।
यस पटक भारतबाट खसी बोका खरीद नगरिइका कारण स्वदेशी उत्पादनबाटै दशैं मनाउने तयारी रहेको छ ।
सरकारले काठमाडौंमा ३ सय खसी बोका बिक्रि गर्ने भएको छ । निजी क्षेत्रका व्यवसायी भने काठमाडौंमा बिक्रि शुरु गरिसकेका छन् ।
