समाचार

नेपाल अब खुला दिसामुक्त देश

काठमाडौं । काठमाडौं । सरकारले नेपाललाई आज खुला दिसामुक्त देश घोषणा गर्दैछ । सरसफाईमा अन्तरराष्ट्रिय सूचक पार गरेसँगै नेपालले उक्त उपलब्धी हाँसिल गरेको हो ।

खानेपानी तथा सरसफाई मन्त्रालयका अनुसार नेपालमा सबै घरमा शौचालय निर्माणको अभियानले सार्थकता पाएकाले खुला दिसामुक्त देश घोषणा गर्न लागिएको हो ।

त्यससँगै अहिले सार्वजनिक शौचालय निर्माणले समेत गति लिएको छ । यस्तो उपलब्ध दक्षिण एसियाका अन्य मुलुकले पाउन सकेका छैनन् ।

सरकारले घर घरमा शौचालय निर्माणका लागि अनुदान नै उपलब्ध गराएर अभियान थालेको थियो । खासगरी सरसफाई र स्वास्थ्यका विभिन्न मानकलाई सरकारी सूचकमा निकै उपलब्धीपूर्ण देखिएका छन् ।

सरकारले चालु आव २०७६ ७७ को नीति तथा कार्यक्रमबाटै चालु आवमा खुला दिसामुक्त देश घोषणा गर्ने बताएको थियो ।

सोमबार प्रधानमन्त्री केपी शर्मा ओलीले काठमाडौंमा आयोजित विशेष समारोहमा देशलाई खुला दिसामुक्त घोषणा गर्नेछन् ।