17-Nov-2019 | १ मंसिर २०७६, आईतवार

भैसेपाटीमा बन्ने भयो नयाँ मन्त्री निवास, प्रधानमन्त्रीले गरे शिलान्यास

१३ आश्विन २०७६, सोमबार ०   बिचार / प्रतिक्रिया


काठमाडौं । ललितपुरको भैसेपाटीमा मन्त्री निवास बन्ने पक्का भएको छ । प्रधानमन्त्री केपी शर्मा ओलीले सोमबार राजधानीमा आयोजित एक कार्यक्रममा मन्त्री निवासको शिलान्यास गरे ।

यो निवासमा संघीय सरकारका मन्त्री, प्रदेश सरकारका मुख्यमन्त्रीदेखि मन्त्रीसम्म बस्न सक्ने स्थानको प्रवन्ध हुने भएको छ ।

अहिले पुल्चोकमा रहेको मन्त्री निवासलाई विदेशी पाहुना आउँदा राख्ने लक्जरी लजको रुपमा रुपान्तरण गर्ने र नयाँ स्थानमा मन्त्री निवास बनाउने घोषणा यसअघि सरकारले गरेको थियो ।

सोहीअनुसार सोमबार शिलान्यास भएको हो । मन्त्री निवास एक सय २५ रोपनी क्षेत्रफलमा बन्ने भएको छ ।

करिब ९७ करोड ११ लाख लगानी यस आवासका लागि छुट्याइएको छ । यो आयोजनाको निर्माणको जिम्मा केसी समानान्तर जेभीले पाएको छ ।

फेसबुकबाट तपाईको प्रतिक्रिया

सम्बन्धित समाचार