समाचार

जिम्बावेसँग फेरी हार्यो नेपाल, आज सिंगापुरसँग भिड्दै

काठमाडौं । नेपाल र सिंगापुरबीच आज प्रतिस्पर्धा हुँदैछ । सिंगापुरमा जारी टी–२० त्रिकोणात्मक सिरिज क्रिकेटको लिग चरण अन्तर्गत नेपालले आज आफ्नो अन्तिम खेल खेल्दैछ ।

यसअघि मंगलबार भएको खेलमा नेपाललाई जिम्बाब्वेले ४० रनको फराकिलो अन्तरले हरायो । यसअघि सिरिजको पहिलो खेलमा समेत नेपाल सोही मुलुकसँग ५ विकेटले हारेको थियो ।

यता, सिंगापुरलाई भने नेपालले पहिलो खेलमा पराजित गरेको थियो । दोस्रो खेलमा सिंगापुरलाई हराउन सके नेपालको फाइनल पुग्ने सम्भावना जिवित रहने छ ।

पराजित भएमा भने त्यो सम्भावना समेत टर्नेछ । किनकी सिंगापुरले नेपाललाई पराजित गर्न सके दुबै मुलुकले दुई दुई जीत हात पारी नेपाल भन्दा अगाडी रहने छन् ।

सिंगापुरविरुद्ध भने नेपाल केही आत्मविश्वासी दिेखिनेछ । पहिलो खेलमा कप्तान पारस खड्काको कीर्तिमानी शतकको योगदानमा सिंगापुरमाथि रवाफिलो जीत हात पारेको थियो ।