Epapers :

23-Oct-2019 | ६ कार्तिक २०७६, बुधबार

दशैं मान्न एक सातामा १२ लाखले छाडे काठमाडौं

१५ आश्विन २०७६, बुधबार ०   बिचार / प्रतिक्रिया


काठमाडौं । दशैँ मनाउने गरी काठमाडौँ उपत्यका छाड्ने यात्रुको सख्या १२ लाख पुगेको छ ।

महानगरीय ट्राफिक प्रहरी महाशाखाको तथ्यांक अनुसार पछिल्लो एक साता (५ असोजयता) मात्र ११ लाख ९१ हजार ९८८ यात्रु राजधानीबाट दशैं मनाउन बाहिर गइसकेका छन् ।

काठमाडौंबाट सबैभन्दा धेरै मानिस षष्ठी र सप्तमीको दिन बाहिरिन्छन् । यस अवधिमा राजधानी भित्रने यात्रु भने करीव आधाले कम भइसकेको छन् ।

तथ्यांक अनुसार एक सातामा सात लाख ६९ हजार यात्रु राजधानी छिरेका छन् । । सवारी साधन अनुसार गरिएको गणनामा यस अवधि भित्र एक लाख ३७ हजार सवारी साधन बाहिरिएको र एक लाख १७ हजार भित्रिएको तथ्यांक रहेको छ ।

प्रहरीका अनुसार दशैँमा घर जाने प्रयोजनका लागि एक लाख २७ हजार ३०६ यात्रुले अग्रिम टिकट बुकिङ गरेका छन् ।

त्यसो त धेरैजसो यात्रु रिजर्भ सवारीमा जाने भएकाले पनि अग्रिम बुक गर्ने मानिसहरु अब क्रमशः घट्दै गएका छन् ।

राजधानीबाट बाहिरिने यात्रुको व्यवस्थापनका लागि मात्र प्रहरीले १ हजार जनशक्ति खटाएको छ । मापसेलाई कडाईकासाथ चेक गरिएको प्रहरीको भनाई छ ।

लामो दुरीका सवारीमा दुई जना चालक नराख्ने, यात्रुसँग तोकिएभन्दा बढी भाडा असुल गर्ने र दुख दिने नियत राख्नेहरुमाथि कारवाही भइरहेको प्रहरीले जनाएको छ ।

फेसबुकबाट तपाईको प्रतिक्रिया

सम्बन्धित समाचार